Emprem giug a casa ed emprema victoria per Schluein Glion! Suenter ina prestaziun plascheivla – cunzun en lâemprema mesadad â ha lâequipa sursilvana bandunau il plaz sco victura el cumbat encunter St. Margrethen. Treis bellezia gols avon ed in suenter pausa han tunschiu per recaltgar ils treis puncts ed aschia far plascher al numerus publicum che ha suenter varga 10 meins finalmein puspei astgau assister ad in giug da campiunadi a Crap Gries.
Naven dallâentschatta han aspectaturas ed aspectaturs viu in giug animau denter duas equipas che encurevan lâoffensiva, Schluein Glion cun spertas attaccas sur las alas, St. Margrethen cun cumbinaziuns sur plirs giugadurs. Omisduas equipas han era giu egl emprem quart ura pusseivladads dâir en avantatg, reussiu ei quei lu la finala a Schluein Glion cun ina attacca sensaziunala. Serafin Bundi ha lantschau cun in pass liung diagonal Tiziano Vinzens, lez ha controllau la balla ed anflau cun in pass bass precis Sattar Afzali, il qual ha sittau la balla ferm travers avon il gol vi nua che Adrian Zimmeramann ha stuschau la balla sur lingia en. Buca bia pli pauc bials ei era il secund gol dâAdrian Zimmermann staus. Quella gada eis el vegnius lantschaus ideal da Gian Sgier e Livio Derungs ed ha aschia saviu sittar siu secund gol per sia nova equipa. Cuort avon pausa ein ils hosps lu vegni da scursanir il resultat grazia ad in penalti giustificau. David Hornacek ha numnadamein frenau in adversari cun in clar foul en la zona da puniziun ed il giugadur châei vegnius mess a tiara, Liridon Maliqi, ha surpriu sez la responsablad e realisau cun saung freid naven dil punct da penalti. Sin quei gol ha Schluein Glion denton giu ina buna risposta. Cuort avon la pausa ha Livio Derungs astgau sittar in culp liber naven dalla vart dretga da pressapauc trenta meters. El ha fatg quei ferm e precis sil tgau da Gian Sgier che ha menau la balla da gol en.
Suenter la pausa ha Schluein Glion midau empau sistem e surschau il far il giug al hosps. Lez han lu era surpriu il domini dil giug e stuschau ils da casa en lur atgna mesadad, senza denton saver crear grondas occasiuns. Ils indigens ein seconcentrai da vegnir cun spertas cunterattaccas al success, quei châei atgnamein cun ils plitost pigns, sperts e movibels attaccaders era ina buna varianta. Suenter bien inâura ei aschia ina cunterattacca vegnida frenada dalla defensiun da St. Margrethen. Adrian Zimmermann ha denton insistiu e mess ferm sut pressiun in defensur, aschia che quel ha piars la balla. Da quei ha Livio Derungs profitau, ei curius persuls encunter gol e sittau segir il 4:1. Aschibein Livio Derungs sco era Adrian Zimmermann ein aschia stai involvai vi da treis gols ed han giu omisdus grond meret per la victoria. Pertgei lâequipa da St. Margrethen ei buca vegnida da reagar adequat sin quei quart gol. Bein ha ella fatg vinavon pressiun e sittau entras Furkan Sarac cun il bellezia siet el cantun ault in secund gol, per dapli ha ei denton buca tunschiu. Anzi Schluein Glion ha en las davosas minutas munchentau dâalzar il resultat denter auter cun in siet en la petga da Nico DâAtria e cun in penalti.
Per Schluein Glion va ei ussa vinavon cun in ulteriur giug da casa e quei gia margis proxim, ils 15 da settember. La sera allas 20 uras vegn lu numnadamein il FC Rorschach-Goldach 17 sin viseta, per dar il giug che ha stuiu vegnir refiers avon 15 gis. Lein sperar che lâequipa possi era delectar aspectaturas ed aspectaturs margis sera cun aschi bialas acziuns offensivas e forsa schizun recaltgar la proxima victoria.
US Schluein Glion â FC St. Margrethen 4:2 (3:1)
Crap Gries. â 255 aspectaturs. â AR: Shabani
Gols: 23. Zimmermann 1:0, 30. Zimmermann 2:0, 41. Maliqi (penalti) 2:1, 43. Sgier 3:1, 61. Livio Derungs 4:1, 71. Sarac 4:2.
Schluein Glion: Hornacek; Dermont, Matthias Derungs (82. Casutt), Egger, BĂŒchler; Sgier, Cavegn, Livio Derungs, Bundi; Afzali, Zimmermann ( 71. DâAtria), Tiziano Vinzens (58. Welter).
St. Margrethen: Staudacher; Axhija, GĂŒr (62. Rushiti), Forgia, Sinani (37. Oezcan); Ibrahimi (54. Zdravkovic), Cetinkaya, Shala (46. Sarac), Eris (72. Birol); Maliqi, Abazi.
Remarcas: Cartas mellnas: 31. Matthias Derungs (foul), 40. Hornacek (foul), 50. BĂŒchler (maun), 68. Eris (foul), 78. Cetinkaya (foul). â Corners: 8:6. â 88. siet en la petga DâAtria. â 89. Staudacher tegn in penalti sittaus dâAfzali.