El davos giug dalla prerunda ha ei puspei buca funziunau propi cun sittar gols. Suenter haver sittau els emprems nov giugs 35 gols eis ei gartegiau en las duas davosas partidas da tuccar mintgamai mo inagada la noda. Para châils attaccaders da Schluein Glion han buca propi pudiu conservar lur efficienza avon il gol entochen alla fin dalla sesiun. Mo sil plaz cuort e stretg a Triesenberg eis ei buca stau sempel per els da vegnir tier bunas caschuns da marcar.
Il giug ha entschiet cun dabia cumbats per mintga balla e per mintga meter pastg sin il tetg dalla garascha sutterrana a Triesenberg. Suenter in quartâura han ils indigens giu lâemprema caschun dad ir en avantatg. Diego Mazzini ha denton tuc cun in bi culp liber mo la petga. Suenter inâulteriura schanza da Triesenberg en la 33avla minuta, Pascal Koller ha sittau la balla sper il gol vi ord ina buna posiziun, ei lâequipa da Schluein Glion vegnida pli offensiva ed ida en avantatg. Igl emprem ha il goli aunc deviau in ferm siet da Gianluca Casutt en corner, en la 41avla minuta denton ha el buca saviu retener ina conclusiun da Serafin Bundi. Lez steva tut persuls en la zona da puniziun ed ha cun inschign deviau in pass liung, aschia che la balla ei curdada en la reit.
En la secunda mesadad ha lâequipa indigena per tut prezzi vuliu dar ina viulta al giug. Bia auter fretg che in per siets da cantun han las attaccas denton buca purtau. Las meglieras caschuns dâalzar il resultat ha persuenter Schluein Glion giu. En la 59avla minuta ha Sattar Afzali mo per pauc munchentau la noda suenter ina biala e sperta cunterattacca ed en la 68avla ei ina balla da Laurin Zala vegnida retenida per sin lingia dâin defensur. Cunquei che Schluein Glion ha buca pudiu sittar in secund gol e decider il giug, eis ei lu cuort avon la fin tuttina aunc gartegiau a lâequipa da casa dâ egalisar. Mo ei ha duvrau empau igl agid dâigl arbiter! Suenter che in culp cul tgau da Mazzini ei numnadamein rebatius dalla traversa ei la balla vegnida spedida ord la zona da puniziun. Igl arbiter ha denton schulau surprendentamein e mussau sil punct da penalti. Daco e dacum ei buca stau dâeruir naven dalla tribuna. A Mazzini ei quei stau tuttina, el ha dirigiu la balla ferm e segir el cantun ault ed aschia procurau per il remis.
La finala ston omisduas equipas esser cuntentas cun il punct recaltgau e cunquei che Valposchiavo ha era buca gudignau siu davos giug, restan ellas cun pintga distanza da puncts â Schluein Glion cun treis e Treisenberg cun quater â sin il secund e tierz rang en la tabella. Ei savess dar in interessant cumbat per igl emprem plaz e per la promoziun els giugs da primavera.
FC Triesenberg – US Schluein Glion 1:1 (0:1)
Leitawies. â 100 aspectaturs/-as. â AR: Erden.
Gols: 41. Bundi 0:1; 80. Mazzini 1:1 (penalti).
Triesenberg: Pupovac; Maia de Sousa, Nils Sprenger (46. Slijvar), Ilic, Redzepi; Chevalley, Sebastian Beck, Jonas Beck (Tscherfinger), Jonas Sprenger; Mazzini, Koller .
Schluein Glion: Capaul; Gianluca Casutt, Sgier, Coray, BĂŒchler; Zala (77. Dermont), Michel, Bearth, Bundi (66. Vinzens), Afzali (69. Derungs); Caduff.
Remarcas: Cartas mellnas: 15. Bundi (maun), 20. Patric Casutt, cotrenader (reclamar), 52. Sprenger (foul), 60. Bearth (foul), 62. Afzali (foul), 79. Caduff (buc tener distanza), 90. Redzepi (foul), 90. + 4. Derungs (??). â Schluein Glion senza Cavegn, DâAtria, Deplazes, Matthias Derungs, Stabile (blessai ni absents). â 16. siet en la petga Triesenberg (Mazzini); 79. culp cul tgau en la traversa (Mazzini). â Corners: 10:4.