Suenter ina emprema mesadad che ha buca pudiu scaldar fetg aspectaturas ed aspectatursla sonda sera el vent criu a Crap Gries ha Schluein Glion alzau suenter la pausa la cadenza e la finala gudignau claramein cun quater gols differenza. Tusaun/Cazas ha profitau da dus schenghetgs dallâequipa hospitonta per sittar ses dus gols, ha silsuenter denton giu grondas breigias da vegnir a frida cun las spertas attaccas da Schluein Glion. La finala ha lâequipa dalla Tumliasca astgau esser cuntenta da buca incassar aunc dapli gols. Occasiuns avunda per marcar ulteriurs havessan ils attaccaders indigens giu avunda.
Cura châigl arbiter ha schulau per annunziar la fin dalla emprema mesadad ein ils biars presents stai leds dâastgar serender per in mument si en lâustria per sescaldar empau. Ei era numnadamein buca emperneivel a Crap Gries ed il presentau sil plaz ha era buca gest pudiu scaldar fetg. In gol per mintga vart – Lars Caduff ha realisau in penalti suenter châel era vegnius mess a tiara ed in siet da Tizian Rupf châei vegnius deviaus da Livio Derungs da gol en – quei ei pli u meins stau tut.
Il trenader da Schluein Glion, Corsin Cavegn, ha reagau cun midar ora gest treis giugadurs da pausa e quei ha purtau fretg. Gia en la 47avla minuta ha Sattar Afzali, in da quels giugadurs châei vegnius da niev sil plaz ed ha purtau ina massa slontsch, marcau il 2:1. El tact da pli u meins ina minuta ha lâequipa indigena ussa creau occasiuns da marcar e mess la defensiun dils hosps pli e pli fetg en pitgiras. Avon che vegnir sut las rodas ha Tusaun/Cazas denton aunc saviu egalisar inagada. Jairo Caluori Wachter ha astgau surprender in pass malgartegiau dâin defensur indigen e marcar persuls avon il gol il 2:2. Quei ei lu denton stau il davos schenghetg che Schluein Glion ha fatg. Silsuenter han Carlo Bearth, Caduff cun siu secund gol, Laurin Zala e la finala Tiziano Vinzens alzau il resultat sin 6:2 e decidiu il giug meritadamein.
US Schluein Glion â CB Tusaun/Cazas 6:2 (1:1)
Crap Gries. â 210 aspectaturs/-as. â AR: Mihaljevic.
Gols: 9. Caduff 1:0 (p.); 20. Rupf 1:1, 47. Afzali 2:1; 51. Caluori Wachter 2:2; 58. Bearth 3:2; 66. Caduff 4:2; 78. Zala 5:2; 90. + 1. Vinzens 6:2.
Schluein Glion: Capaul; Zala, Livio Derungs, Sgier (22. Coray), BĂŒchler; Michel (46. Cavegn), Bearth (82. Michel), Cabalzar (46. Vinzens), Deplazes (73. Gianluca Casutt), Bundi (47. Afzali); Caduff (84. Cabalzar).
Tusaun/Cazas: Akca; Raho, Aron Patt, Yanik Brot, Matti Battaglia; Leandro RĂŒedi (85. Canonica), Luca Michael, Pascal Patt (69. Dario RĂŒedi), Thomas Kienast; Caluori Wachter (60. Schweigel), Rupf.
Remarcas: Cartas mellnas: 63. Kienast (foul); 72. Aron Patt (foul). â Schluein Glion senza DâAtria, Matthias Derungs (reconvalescents), Alessandro Casutt, Dermont (serrai), Kohler (absents). â 22. Sgier croda ora muort blessura. â Corners: 7:3.