Sulettamein en las empremas diesch minutas han ils hosps ord il principadi dil Lichtenstein giu duas occasiuns da marcar in gol. Quei ei denton buca reussiu, aschia che Schluein Glion ha saviu cuntonscher senza pli grondas difficultads sia dudischavla victoria en quest campiunadi. Sis gols ha lâequipa da trenader Corsin Cavegn sittau entochen alla fin e per la quarta gada ha la defensiun buca schau far igl adversari in sulet gol.
Entschiet ha il giug cun in bien siet sin in culp liber da Eschen/Mauren, il qual ei ius mo per pauc sur la traversa ora e cun ina buna occasiun per Valerio Puopolo, il qual ha tuttenina saviu cuorer tut persuls encunter gol. Siu siet ei denton vegnius deviaus da Flurin Capaul cun ina biala parada dalla vart ora. Suenter quels dus muments che han schau sesalzar empau il puls ad aspectaturas ed aspectaturs han ils patruns casa denton surpriu defintiv il domini dil giug. Enteifer mo tschun minutas han ei tuccau ina gada la petga e sittau duas gadas la balla da gol en. La petga ha Marino Cavegn tuc, il 1:0 ha Laurin Zala sittau suenter che dus siets eran vegni rebatti da defensurs dils hops ed il 2:0 ha Serafin Bundi realisau suenter ina bellezia cumbinaziun sur plirs giugadurs ed il pass final da Laurin Zala. Quei tut ei schabegiau denter la 14avla e la 20avla minuta. Silsuenter eis ei vegniu empau pli ruasseivel sil plaz ed las duas equipas ein idas cul resultat da 2:0 en la pausa.
La secunda mesadad ha purtau la cuntinuaziun dil vesiu en lâemprema part dil giug. Schluein Glion ha dominau ed alzau il resultat cun sittar mintga diesch minutas in gol entochen al 6:0. Carlo Bearth ha sittau dus gols, il 3:0 sin pass da Marino Cavegn suenter che siu emprem siet era aunc vegnius rebattius dil goli ed il 5:0 suenter in bi pass travers da Nando Cabalzar. Marino Cavegn ha sittau il 4:0 suenter châin siet da Rafael Deplazes era vegnius rebattius dil goli e la finala ha Rafael Deplazes sez realisau il 6:0 suenter in bi pass en la profunditad da Carlo Bearth.
US Schluein Glion â USV Eschen/Mauren 2 6:0 (2:0)
Crap Gries. â 165 aspectaturs/-as. â AR: Kecir.
Gols: 16. Zala 1:0; 19. Bundi 2:0, 55. Bearth 3:0, 64. Cavegn 4:0, 77. Bearth 5:0, 84. Deplazes 6:0.
Schluein Glion: Capaul; Dermont (58. Coray), Gianluca Casutt, Livio Derungs, BĂŒchler (76. Gallmann); Michel, Bearth, Cavegn, Zala; Deplazes, Bundi (67. Cabalzar).
Eschen/Mauren 2: VonbrĂŒl; Meier, Kolb, Hamzic, Kaiser; Levin Ritter, Luca Ritter, Xhymshiti (4. Yannick Ritter), Zivanovic; Hilti, Puopolo.
Remarcas: Cartas mellnas: 35. Hilti (foul), 88. Luca Ritter (foul) â Schluein Glion senza DâAtria, Matthias Derungs (reconvalescents), Caduff, Sgier (serrai), Kohler (blessaus). â 14. siet en la petga Schluein Glion (Cavegn). â Corners: 7:2.