Suenter sis onns tuorna il buccal dil Cup grischun puspei en Surselva. Schluein Glion ha battiu el final dâAnceinza sin la plazza sportiva Obere Au a Cuera lâequipa da Valposchiavo Calcio cun 3:1 e conquistau il tetel. Gia da pausa menava lâequipa sursilvana cun dus gols ed era schâigl adversari dalla vallada dil sid ha fatg suenter il tĂ© empau dapli pressiun ei la victoria mai stada fetg ferm periclitada.
In ferm e freid vent buffava la davosa gievgia sur il plaz a Cuera, cura châil final dil cup ha entschiet, quei suenter châil final dallas damas era ius alla fin cun in pari da 0:0. Quel haveva buca muentau grondas emoziuns tier ils presents e la finala vegnius gudignaus dallâ equipa da Tusaun/Cazas cun sittar penaltis. Sin igl emprem gol el final dils umens han las aspectaturas ed ils aspectaurs persuenter buca stuiu spitgar gitg. Quel ei curdaus gia en la secunda minuta, ni exact suenter 1 minuta e 49 secundas. Sittau il gol ha Lars Caduff per Schluein Glion. El ha profitau dâina malprecauziun dâin defensur da Valposchiavo cun engular dad el la balla e sittar quella suenter haver cugliunau il goli en la reit. Ina entschatta ideala per Schluein Glion. Era suenter quei gol ha Schluein Glion dominau il giug cun il vent el dies. Bunas caschuns da marcar gols ein denton stadas raras, Valposchiavo ha schizun giu practicamein neginas occasiuns duront lâentira emprema mesadad. En la 32avla minuta eis ei tuttina aunc gartegiau a Schluein Glion da sittar in ulteriur gol. Suenter ina biala e sperta attacca sur la vart seniastra ha Lars Caduff surviu la balla a Serafin Bundi, il qual ha tuschau ella senza targlinar a Marino Cavegn che ha terminau cun success lâattacca e sittau il 2:0.
Suenter il tĂ© ha Valposchiavo investau empau dapli en lâoffensiva. Quei ha purtau suenter diesch minutas success. Ina flanca naven dalla vart dretga ha tuccau il maun dâin defensur da Schluein Glion ed igl arbiter ha immediat schulau e mussau sil punct da penalti. Mattia Cathieni ha realisau cun il siet naven dil punct dâendisch meters il 2:1 cun tarmetter il goli el falliu cantun. Quei gol ha dau empau slontsch a Valposchiavo e stermentau empau Schluein Glion. Quei denton mo per in cuort temps. En la 62avla minuta eis ei numnadamein gartegiau a Schluein Glion da sittar il tierz gol e pli u meins decider il giug. Sin ina flanca en la zona da puniziun ei Marino Cavegn siglius pli ault che siu adversari ed ha menau ella cul tgau a Serafin Bundi, il qual ha sittau ella cun in ferm siet cul pei seniester el tschiel dalla reit. A Valposchiavo eis ei silsuenter buca gartegiau da midar aunc inagada il decuors dil giug. Las attaccas ein stadas memia pauc decisivas, aschia che Schluein Glion ha purtau a casa la victoria senza pli grondas difficultads.
US Schluein Glion â Valposchiavo Calcio 3:1 (2:0)
Obere Au. â 400 aspectaturs/-as. â AR: Aggeler.
Gols: 2. Caduff 1:0; 32. Cavegn 2:0, 55. Cathieni 2:1 (p.), 62. Bundi 3:1.
Schluein Glion: Capaul; Zala, Sgier, Livio Derungs, BĂŒchler (60. Coray); Michel, Bearth (82. Gianluca Casutt), Cavegn; Deplazes, Caduff (88. Afzali), Bundi (68. Vincenz).
Valposchiavo Calcio: Tuena; Cristiano (86. Nogheredo), Gion Cortesi, Fiorino, Rampa; Moreno Cortesi (64. Plozza), Oscar Cortesi (77. Menghini), De Campo; Crameri, Pola (78. Braun), Cathieni.
Remarcas: Cartas mellna: 29. Moreni Cortesi (foul), 62. Cavegn (sittar naven la balla). â Schluein Glion senza DâAtria, Matthias Derungs (reconvalescents), Dermont (serraus), Kohler (blessaus). â Corners: 1:3.