Encunter lâequipa da Buchs 1b ha Schluein Glion recaltgau ina ulteriura victoria e quei cun treis tier negins gols. La victoria havess denton saviu, ni meglier getg stuiu curdar ora per in bien ton pli aulta. Buchs 1b ha numnadamein egl entir giug strusch giu ina buna occasiun da marcar in gol; persuenter han ils giugadurs da Schluein Glion munchentau bunas ed aunc meglieras schanzas bunamein en seria. Forsa che las festivitads suenter la victoria el final dil Cup grischun la gievgia dâAnceinza han tuttina schau anavos enqual fastitg tier ils giugadurs?
Naven dallâentschatta ei il giug denter il davos ed il secund dalla tabella ius mo en ina direcziun: encunter il gol da Buchs 1b. Ils giugadurs da Schluein Glion han schau circular bein la balla ed aschia creau bunas occasiuns. Sigl emprem gol han adherentas ed adherents da Schluein Glion tuttina stuiu spitgar varga vegn minutas, cunquei châil davos pass ei staus memia pauc exacts ni ils siets memia pauc precis. Aschia ha ei durvrau in corner per ir en avantatg. Carlo Bearth ha sittau la balla ferm e miez ault sil punct da penalti nua che Marino Cavegn ha deviau ella directamein el cantun liung. Finalmein in siet gartegiau. Silsuenter ha Lars Caduff tuccau cun in siet la petga e treis siets da Rafael Deplazes ein vegni bloccai da defensurs ni dil bien goli da Buchs 1b. En la 29avla minuta ha denton era quel buca saviu evitar che Schluein Glion ha alzau il resultat sin 2:0. Quei entras il caposettagols Lars Caduff châei vegnius survius precis da Tiziano Vinzens, aschia châel ha mo aunc stuiu stuschar la balla en la reit.
Suenter pausa eis ei iu vinavon en la medema moda e maniera. Schluein Glion ha fatg il giug e creau bunas occasiuns. Pliras gadas han giugadurs saviu cuorer persuls encunter il gol dils indigens, denton senza reussir. Pliras gads ha il goli da Buchs 1b bloccau ils siets bravurusamein e pliras gadas han ils attaccaders munchentau la noda cun sittar la balla sur gol ora. Cuort avon la fin ha ina attacca finalmein tuttina aunc purtau success. Marino Cavegn ei mitschaus dalla defensiun ed ha surviu la balla cun in pass travers a Lars Caduff che ha strusch saviu munchentar siu secund gol dil gi e siu 26avel gol en quest campiunadi.
FC Buchs 1b – US Schluein Glion 0:3 (0:2)
Rheinau. â 120 aspectaturs/-as. â AR: Keel.
Gols: 21. Cavegn 0:1; 29. Caduff 0:2, 87. Caduff 0:3.
Buchs 1b: Wood; Ugrica, Ibraimi, Debbah (18. Hardegger, 73. Sibonia), ĂnlĂŒ (89. Hardegger); Skenderi, Heeb (73. Harrabi), Oesch (46. SchĂ€pper), Ormond (59. Jakupi); Carkic (46. Zwahlen), Bieri (71. Carkic).
Schluein Glion: Capaul; Gianluca Casutt, Derungs, Sgier, Coray (80. BĂŒchler); Bearth, Cavegn; Zala (60. Dermont), Deplazes (73. Bundi), Vinzens (46. Afzali), Caduff.
Remarcas: Carta mellna: 90. SchĂ€pper (foul). â Schluein Glion senza DâAtria, Matthias Derungs, Kohler (blessai), Cabalzar, Alessandro Casutt, Gallmann, Michel (absents). â 25. siet en la petga Schluein Glion (Caduff). â Corners: 4:8.