Suenter ina emprema mesadad plitost ruasseivla, la quala ei ida a fin cun in remis dad in ad in, ha Schluein Glion alzau la cadenza en la secunda mesadad e sittau quater gols ord bialas cumbinaziuns ed aschia decidiu il giug. Ils hosps da Neukirch-Egnach han denton mai dau il giug per spiars ed ein era aunc vegni da sittar dus gols. Per dapli ha ei denton buca tunschiu, aschia che Schluein Glion astga dar ina secunda runda el Cup svizzer.
Ils hosps da Neukirch-Egnach ein stai allâentschatta dil giug pli allerts ed ein beinspert era i en avantatg. Mirco Moser ha deviau ina flanca da seniester da gol en. Ils giugadurs da Schluein Glion han pariu en lâentira emprema mesadad ualti passivs. Tuttina eis ei gartegiau ad els dâegualisar il giug aunc avon pausa. Andri Michel ha acceptau in schenghetg dil goli ed alzau la balla elegant sur tal ora en la reit.
Il secund gol per Schluein Glion entras Gion Kohler en la 51avla minuta ed il tierz entras Raffael Deplazes en la 65avla minuta, ein mintgamai stai il resultat da bellezia cumbinaziuns cun precis pass finals en la profunditad. Mo duas minutas pli tard han ils hosps aunc inagada dau empau tensiun al giug cun sittar entras Noah Altherr suenter in siet da cantun il 3:2. Silsuenter han els aviert empau lur defensiun ed encuretg lâegualisaziun. Quei ei stau bien per Schluein Glion. Ils attaccaders han survegniu empau dapli plaz ed els han era nezegiau quel. Enteifer mo ina minuta han Raffael Deplazes ed Remy Manetsch sittau e decidiu il giug definitiv.
US Schluein Glion â FC Neukirch-Egnach 5:3 (1:1)
Crap Gries. â 132 aspectaturs/-as. â AR: Dilamen.
Gols: 4. Moser 0:1; 40. Michel 1:1, 57. Kohler 2:1, 65. Deplazes 3:1, 67. Altherr 3:2, 78. Deplazes 4:2, 79. Manetsch 5:2, 83. Altherr 5:3 (penalti).
Schluein Glion: Mattia BĂŒchler; Laurin Zala, Gianluca Casutt, Sgier, Holderegger (80. Studer); Kohler (69. Bundi), Paulin (77. Capeder), Michel, Vinzens (46. Manetsch); DâAtria, Deplazes.
Neukirch-Egnach: WĂŒst; Oswald, Schröder (85. Noureddine), Martino, Allenspach (69. Schoch); Schwitzer, Altherr, Stolz (68. Aerne); Held, Moser, Ziegler.
Remarcas: Cartas mellnas: 26. Allenspach (hirundella), 56. Schwitzer (reclamar), 57. Martino (reclamar), 83. Casutt (foul), 88. Studer (foul) . â Carta cotschna: 88. Held (malsportadad). Schluein Glion senza Afzali, Bearth, Aron BĂŒchler, Caduff, Coray, Derungs, Lars Zala (blessai, reconvalescents ni absents). â22. Siet en la petga Schluein Glion (DâAtria). â Corners: 6:3.