Quei tetel ha il scarvon dil club da ballapei da Trun/Rabius duvrau la davosa jamna per circumscriver la terrada encunter Bogn Ragaz. Quella veglia savida dil ballapei vala era per il giug da Schluein  Glion encunter Schaan dalla dumengia vargada.
Avon che ils indigens da Schaan vegnien numnadamein insumma inagada empau malsegirs avon il gol da Schluein Glion ha lâequipa sursilvana gia giu munchentau treis fetg bunas e duas bunas pusseivladads da marcar in gol. La megliera segir Lars Caduff che ha viu siu siet naven dil punct da penalti rebattius dil bien goli indigen, suenter châel era vegnius mess a tiara en la zona da puniziun gest da tal. Era encunter Laurin Zala ed aunc inagada encunter Lars Caduff ha il goli mussau sia classa e buca schau mitschar la balla sur lingia en. Ed ir en avantatg fuss stau impurtont sin il plaz grond e da gronda calira el Principadi dil Lichtenstein. Suenter châil giug ei sâulivaus empau, ei lu il 1:0 curdaus empau fetg surprendent. Al goli da Schluein Glion eis ei buca gartegiau da pigliar ina balla sittada ord gronda distanza suenter in culp liber, aschia che Matthias Quaderer ha saviu menar ella en gol. Quei gol ha dau anim als indigens e schocau empau ils hosps. Matias Antunovic ha nezegiau quei cun sittar mo siat minutas pli tard il 2:0 suenter ina attacca sur lâala seniastra.
Suenter la pausa ein ils indigens seconcentrai da star segir en la defensiun e da vegnir malsegirs cun cunterattaccas. Schluein Gglion ha empruau da vegnir al success cun ballas liungas ord la defensiun. Quei ei denton gartegiau mo a mesas. Ina cunterattacca ha purtau a Schaan il tierz gol e la decisiun definitiva. Lâequipa gudogna aschia era il quart giug e surpren lâemprema posiziun en la tabella. Schluein Glion resta tier siat puncts ed ha aschia gia tschun puncts retard sin Schaan.
FC Schaan – US Schluein Glion 3:0 (2:0)
Rheinwiese. â 95 aspectaturs/-as. â AR: BrĂ€ndle.
Gols: 36. Matthias Quaderer 1:0; 43. Antunovic 2:0, 77. Fabian Eberle 3:0.
Schaan: Strunk; Oehri, Lucas Eberle, Matthias Quaderer (80. Ouanes), Pires; Kranz, Gomes (69. Gallardo), Fabio Quaderer, Beck (85. Biedermann); Antunovic (66. Goncalves), Sobkova (58. Fabian Eberle).
Schluein Glion: Capaul; Gianluca Casutt (69. DâAtria), Derungs, Sgier, Aron BĂŒchler; Bearth (67. Bundi), Michel, Vinzens (63. Lars Zala), Laurin Zala; Deplazes, Caduff.
Remarcas: Cartas mellnas: 8. Strunk (foul), 45. BĂŒchler (foul), 49. Matthias Quaderer (foul), 49. Bearth (reclamar), 65. Gomes (foul), 90. + 2. DâAtria (foul). â Schluein Glion senza Afzali, Coray, Kohler (blessai ni absents). â 8. Caduff munchenta in penalti. â Corners: 6:4.