Muort ina buna prestaziun en lâemprema mesadad gudogna Schluein Glion il derbi encunter il CB Trun/Rabius cun 3:0 gols. Mo lâequipa da casa ha dominau mo lâemprema mesadad, en la secunda mesadad han las aspectaturas ed ils aspectaturs viu in giug brav mediocher senza gronda tensiun.
Allâoffensiva dils hosps ha denton muncau il saung freid per sittar in gol ed aschia dar empau peiver al giug.
Naven dallâentschatta ha Schluein Glion surpriu il domini dil giug e sfurzau ils hosps dalla Cadi en la defensiva. Ei ha denton cuzzau in bien quart ura avon che lâequipa da casa ha astgau giubilar per lâemprema gada. Lars Caduff ei vegnius survius en la 17avla minuta en la gassa da Rafael Deplazes ed ha stuschau la balla sper il goli vi en la reit. Era per il secund gol ha Lars Caduff procurau. Quella gada ha el sittau ina flanca da corner da Carlo Bearth direct ord lâaria tras pliras combas bass da gol en. Tier quei resultat eis ei restau entochen pausa. Lâequipa da Trun/Rabius ei strusch vegnida tier ina buna caschun da marcar entochen tier il tĂ©.
Mo il tĂ© da pausa para da haver fatg bein als hosps. Suenter haver midau las varts han els numnadamein teniu meglier petg als hospitonts ed encuretg empau dapli lâoffensiva. Las meglieras caschuns da marcar in gol ha Trun/Rabius giu suenter gest ina ura da giug. Igl emprem ha Remo Alig munchentau cun in siet da bien sedisch meters mo per pauc la noda e silsuenter ha igl arbiter quittau che il goli da Schluein Glion hagi teniu memia gitg la balla enta maun avon che sittar naven ella ed ha dau in culp indirect en la zona da puniziun. Il mir da Schluein Glion ha denton bloccau il siet da Livio Janka, sco era in culp liber dil medem giugadur naven dalla lingia da sedisch duas minutas pli tard. Schluein Glion ha strusch pli creau ina buna caschun da sittar in gol duront lâentira secunda mesadad. E tuttina ei cuort avon la fin il tierz gol aunc curdaus per lâequipa da casa. In culp liber dâAndri Michel naven dalla vart dretga ei sgulaus sur tuts il defensurs ora sil pei a Livio Derungs che ha buca schau rugar duas gadas e sittau la balla en la reit.
Fazit: il derbi sursilvan ha buca propi saviu tschaffar il grond diember dâaspectaturs ed aspectaturs. Bein ei il giug staus fetg cumbattius â quei demuossan era la carta cotschna e las sis cartas mellnas â la qualitad da giug ei persuenter buca stada enorm aulta, cunzun en la secunda mesadad.
US Schluein Glion â CB Trun/Rabius 3:0 (2:0)
Crap Gries. â 423 aspectaturs/-as. â AR: Ibraimi.
Gols: 17. Caduff 1:0; 36. Caduff 2:0, 90.+1. Derungs 3:0.
Schluein Glion: Mattia BĂŒchler; Holderegger, Gianluca Casutt, Sgier, BĂŒchler; Derungs, Bearth (70. Kohler), Bundi (76. Michel), Lars Zala (76. Vinzens); Deplazes, Caduff (90.+1. Paulin).
Trun/Rabius: Mauro Alig; Orlando Monn (87. Remo Alig), Seiler, Janka (88. Damian Schmed), Pfister; Denis Monn (44. Rovin Schmed), Flepp, Robin Monn (72. Clau Berther), Remo Alig (80. Tizian Duff); Decurtins (46. Carigiet), Derungs (80. Robin Monn).
Remarcas: Cartas mellnas: 10. Denis Monn (foul), 29. Gianin Derungs (foul), 66. Caduff (foul), 67. Aron BĂŒchler (foul), 84. Berther (malsportadad), 84. Kohler (malsportadad). â Carta cotschna: 84. Deplazes (violenza). â Schluein Glion senza Afzali, DâAtria (blessai), Laurin Zala (serraus), Capaul, Coray (absents); Trun/Rabius senza Sandro e Ramon Orlik (blessai), Cauzza, Muoth, Maissen (absents). â Corners: 9:5.