En in giug plitost lungurus cun fetg bia fouls ed ina equipa da casa (Flums) che ha naven dalla biala entschatta giu nuot auter en mira che incassar aschi paucs gols sco pusseivel, ha Schluein Glion recaltgau treis ulteriurs puncts. Quei denton senza brigliar e cun schar crer in adversari plitost mediocher entochen bunamein la 70avla minuta da forsa aunc tuttina recaltgar in punct.
Sco adina a Flums ei il giug staus fetg cumbattius ed ils indigens ein seriscudi naven dallâentschatta cun peis e mauns da buca vegnir sut la rodas. Quei ei era reussiu ad els nuot aschi mal. Auter châin gol da Lars Caduff cun in siet cun il pei seniester el cantun bass naven dalla lingia da sedisch meters ha lâequipa da casa buca stuiu incassar. Quei denton plitost muort neglegientschas dils attaccaders da Schluein Glion che pervia lur habilitads. Lars Caduff, Tiziano Vinzens e Rafael Deplazes han numnadamein munchentau fetg bunas caschuns ed aschia buca decidiu il giug gia en lâemprema part. Ed igl ei schizun vegniu aunc meglier per lâequipa da casa. En la 22avla minuta ha la defensiun da Schluein Glion mirau tier sco Valon Aliji ei vegnius survius en ina dallas raras acziuns offensivas sin la lingia da sedisch ed ella ha era aunc schau sittar il sulet capavel attaccader senza disturbar el. Siu siet plazzau ha anflau la via en la reit.
La secunda mesadad ei aunc stada pli unilaterala. Schluein Glion ha attaccau senza vegnir tier grondas caschuns da marcar, persuenter tier buca meins che 13 corners. Flums ha defendiu cun tgierp ed olma ed aschia teniu ulivs il giug entochen la 69avla minuta. Lu ha Livio Derungs sittau in culp liber naven dalla vart seniastra sil tgau da Gian Sgier. Il culp cul tgau da tal ha il goli aunc saviu rebatter, encunter il secund siet da Serafin Bundi ha el denton saviu far nuot. Lâequipa indigena ei buca stada capavla da reagir, anzi en la davosa minuta ha Ruben Rechenbach aunc deviau in culp liber da Rafael Deplazes en la reit ed aschia procurau per il resultat final.
FC Flums – US Schluein Glion 1:3 (1:1)
Banau, Flums. â 175 aspectaturs ed aspectaturs. â AR: Spasojevic.
Gols: 10. Caduff 1:0, 22. Aliji 1:1, 69. Bundi 1:2, 90. Rechenbach 1:3.
FC Flums: Kurath; Novoa, Bartholet, Bless, Divkovic (80. Bilijali), Rinderer (54. Abdiu), Dort (85. Haliti), Obradovic (16. Ipek), Rushiti (54. Jasari); Walser (56. Bösch), Aliji.
US Schluein Glion: Capaul; Laurin Zala (59. Holderegger), Casutt (78. Coray), Sgier, Pool; Paulin (46. Bundi), Derungs, Vinzens (46. Rechenbach), Lars Zala, Caduff, Deplazes.
Remarcas: Cartas mellnas: 27. Ipek (reclamar), 38. Divkovic (foul), 52. Aliji (reclamar), 68. Abdiu (foul). â Schluein Glion senza Afzali, Aron e Mattia BĂŒchler (blessai), DâAtria (serraus), Bearth (absents). â 21. siet en la traversa Schluein Glion (Caduff). â Corners: 3:11.