Mo treis gis suenter la victoria encunter Triesen ei lâequipa da Schluein Glion puspei semiserada cun ina squadra ord il Principadi dil Lichtenstein. Quella gada ei il capogruppa Schaan staus sin viseta a Crap Gries. En in giug fetg cumbattiu han ils hosps vulviu il giug en la secunda mesadad, gudignau cun in gol differenza ed aschia fatg in grond pass enviers la promoziun per la secunda ligia.
Il giug denter igl emprem ed il secund dalla tabella dalla gruppa 1 dalla tiarza ligia ha duvrau in bien temps per survegnir empau elan. En las empremas bunamein trenta minutas han biars cumbats, biars pass liungs malexacts e la tema da far sbagls en la defensiva dominau sin omisduas varts. En la 29avla minuta ei Lars Caduff vegnius lantschaus ideal en la profunditad aschia châel ha saviu cuorer persuls encunter gol. Siu siet ei denton vegniu deviaus dil goli da Schaan, mo directamein el tgierp da Fabio Quaderer e naven da leu ei la balla ruclada da gol en. Quei gol ha animau empau il giug ed ha schau rinforzar Schaan siu engaschi offensiv. Entochen pausa ha Schluein Glion denton salvau igl avantatg.
La secunda mesadad ha entschiet cun pressiun dils hosps. Suenter quater minutas ha Liam Kranz astgau sittar in culp liber da bien 20 meters ord ina fetg buna posiziun. Cul pei dretg ha el sittau la balla sper il mir ed ils mauns dil goli vi al 1:1. Diesch minutas pli tard ei Schaan lu schizun ius en avantatg. Ina dallas numerusas ballas liungas ord la defensiun ha anflau Lucas Alves en la zona da puniziun da Schluein Glion che ha gudignau il cumbat per la balla encunter siu defensur e marcau cun saung freid il 1:2. La reacziun dils indigens sin quei disavantatg ei suandada promtamein. Mo duas minutas pli tard ha Tiziano Vinzens sittau ina biala flanca naven dalla vart dretga sur la defensiun ora sil pei a Lars Zala, il qual ha sittau la balla direct ord lâaria el cantun bass seniester. In bellezia gol dil giuven attaccader. Diesch minutas pli tard ei la decisiun curdada en favur da Schaan. Liam Kranz ha survegniu la balla bunamein trenta meters avon il gol, ei buca vegnius attaccaus energicamein ed ha nezegiau quei cun in ferm e precis siet en il cantun seniester. Schluein Glion ha bein aunc empruau da silmeins egalisar la partida en las davosas minutas mo grondas caschuns ei lâequipa buca vegnida da crear, forsa sentevan ils giugadurs aunc empau il giug dalla mesjamna en las combas.
US Schluein Glion – FC Schaan 2:3 (1:0)
Crap Gries, Schluein. â 302 aspectaturs ed aspectaturs. â AR: Odiase.
Gols: 29. autogol Schaan (Fabio Quaderer) 1:0, 49. Kranz 1:1, 60. Alves 1:2, 62. Lars Zala 2:2, 72. Kranz 2:3.
US Schluein Glion: Alessandro Casutt; Holderegger, Gianluca Casutt, Sgier, Derungs; DâAtria, Bundi (76. Coray), Vinzens (83. Manetsch), Lars Zala; Caduff (90. + 4. Malin), Deplazes.
FC Schaan: Migueis; Ubavic, Lucas Eberle, Fabio Quaderer, Matthias Quaderer; Alves (85. Loos), Kranz (75. Fabian Eberle), De Almeida, Cernadas (82. Gonçalves); Beck, Antunovic.
Remarcas: Cartas mellnas: 34. Cernadas (foul), 40. DâAtria (foul), 54. Vinzens (foul), 68. Sgier (foul), 90. Gonçalves (foul). â Schluein Glion senza Afzali, Aron e Mattia BĂŒchler, Paulin, Laurin Zala (blessai), Pool (malsauns), Bearth, Capaul, Rechenbach (absents). â Corners: 5:4.