En la lutga denter Schluein Glion ed il club da ballapei da Bogn Ragaz ei vegniu decidiu tgeinina da quellas duas squadras sappi recaltgar il secund plaz en la tabella. Cun ina prestaziun solidarica ed in bien spĂ©rt da cumbat ha lâequipa da casa saviu decider la partida cun 3:1 gols ed aschia vargar ils hosps per in punct.
Il giug denter duas equipas ulivas ha entschiet en meglier per la squadra da Schluein Glion. Gia en la siatavla minuta ei il caposettagols Lars Caduff mitschaus dalla defensiun dils hosps â lantschaus da Ruben Rechenbach cun in pass en la gassa Ă la Toni Kros â ed ha battiu il goli segir agl 1:0. Silsuenter ei il giug sulivaus e Bogn Ragaz ei vegnius en la 24avla minuta fetg datier allâegalisaziun dil resultat. Il culp liber da Manuel Horni ha denton mo strihau la traversa e buca anflau la via en la reit. En la 37avla minuta ha ina bellezia cumbinaziun purtau il 2:0. Lars Caduff ei vegnius lantschaus, ha retardau il giug e surviu la balla a Rafael Deplazes, il qual ha stuschau tala elegant vinavon a Remy Manetsch che ha bumbardau ella cun in ferm siet en il tschiel dalla reit e schau buca schanza al goli da tener il siet.
Suenter pausa han ils hosps empruau da far dapli pressiun ed aschia vegnir al success. Quei ha purtau mo success mediocher, cunquei châils giugadurs da casa han defendiu lur gol fetg solidaric e disziplinau. Tuttina ei il 2:1 curdaus en la 76avla minuta. Suenter in viriveri en la defensiun da Schluein Glion ei la balla sgulada en direcziun da Orlando Caluori che ha sittau direct ord lâaria la balla cun ina balla artgada el cantun ault seniester. Ussa ha Bogn Ragaz encuretg cun vehemenza il secund gol per egualisar il giug ed aschia segirar il secund plaz, haveva lâequipa avon quei davos giug gie in punct dapli sin siu conto. Schluein Glion ha denton fatg in streh atras quei quen e sittau en la 88avla minuta suenter ina cunterattacca entras Lars Caduff il 3:1. Quei gol ei stau il 20avel gol che il caposettagols da Schluein Glion ha sittau en quest campiunadi, bein ina biala prestaziun per il giuven da Falera che ha ultra da quei era aunc dau els 22 giugs da campiunadi 10 assists a congiugadurs ed aschia cuntonschiu la biala cefra da 30 puncts da score. Gratulaziun.
US Schluein Glion – FC Bogn Ragaz 3:1 (2:0)
Crap Gries, Schluein. â 206 aspectaturs ed aspectaturs. â AR: Josip.
Gols: 7. Caduff 1:0, 37. Manetsch 2:0, 76. Caluori 2:1, 88. Caduff 3:1.
US Schluein Glion: Capaul; Laurin Zala, Casutt, Derungs, Coray; DâAtria (46. Gomes Machado), Rechenbach, Manetsch (84. BĂŒchler), Bastos; Deplazes (66. Welter), Caduff.
FC Bogn Ragaz: Pagonas; Felix Horni (41. Kohler), Roffler, Manuel Horni, Kressig; Da Silva, Caluori, Radosevic, Nando Bersorger (Valerio Bersorger); Hoxha (72. Sandro Horni), Rauti (56. Berry).
Remarcas: Cartas mellnas: 59. Hoxha (foul), 75. Roffler (reclamar), 85. Caduff (foul), 90.+ 2. Manuel Horni (reclamar), 90. + 4. Sandro Horni (foul). â Schluein Glion senza Afzali, Mattia BĂŒchler, Bundi, Paulin, Sgier (blessai), Bearth, Holderegger, Pool, Vinzens (absents). â 24. siet en la traversa Bogn Ragaz (Manuel Horni). â Corners: 1:5.