Sco el davos giug a casa encunter Triesen ha lâequipa da Schluein Glion era schau pitir la sonda vargada aspectaturas ed aspectaturs sin la tribuna. Il sittar gols e decider il giug ei puspei iu vess ed ei ha la finala duvrau ina biala acziun persunala dil caposettagols Lars Caduff per segirar ils treis puncts e batter lâequipa da Cuera 97 2.
Il giug ha entschiet miserabel per lâequipa da casa. Gia suenter ina minuta e quendisch secundas ein ils hosps da Cuera 97 2 i en avantatg. In pass liung sper la defensiun ora ha John Rodrigues menau el davos mument sper il goli vi e la balla ei ruclada en la reit. Ussa ha il medem giug entschiet sco savens a Crap Gries: ils hospitonts han attaccau e creau schanzas senza reussir, ils hosps han defendiu ed empruau das vegnir al success cun spertas cunterattaccas. Ed ei ha duvrau in mument avon che lâequipa da Schluein Glion ei vegnida dâegalisar il resultat. Persuenter ei quei gartegiau cun ina bellezia acziun châei valess da mirar pliras gada en la repetiziun. Rafael Deplazes ha surpriu la balla amiez il plaz, ha cun in rush schau star dus adversaris e lantschau cun in pass precis Leandro Bastos en lâala seniastra. Lez ha en cuorer alzau spert il tgau, ha viu che Lars Caduff era plazzaus bein avon il gol ed ha surviu ad el la balla cun ina flanca miez aulta perfetg sil pei ed il caposettagols ha deviau la balla en gol. Suenter quellâegalisaziun ei il giug sâulivaus empau. Las meglieras caschuns da marcar ha denton vinavon lâequipa da casa giu, denton senza reussir. Aschia ei per exempel in siet cul tgau da Gian Sgier suenter in culp liber setschentaus en la petga.
En la secunda mesadad ha allâentschatta Cuera 97 2 puspei fatg empau dapli pil giug, senza denton puder inquietar grondamein la defensiun indigena. A Schluein Glion eis ei iu empau pli vess da crear bunas caschuns da marcar. Per suenter la siatontavla minuta ei quei puspei reussiu meglier, mo crear schanzas e realisar ellas ein duas caussas. Ton Lars Zala sco era Lars Caduff han suenter bien siatonta minutas buca sittau en avantatg lur equipa. En la 84avla ha Lars Caduff denton fatg meglier quei. El ha survegniu la balla allâentschatta dalla zona da puniziun, ha controllau ella e plazzau ella cun in ferm e precis siet cul pei seniester el cantun bass seniester. Quei gol ha muntau la victoria, era sche ils hosps han empruau en las davosas minutas cun tutta vehemenza dad aunc recaltgar in punct.
US Schluein Glion â Cuera 97 2 2:1 (1:1)
Crap Gries. â 220 aspectaturs. â AR: Cataldo
Gols: 2. Rodrigues 0:1, 24. Caduff 1:1, 84. Caduff 2:1.
Schluein Glion: Capaul; Derungs, Sgier, Aron BĂŒchler; Ronny Casutt, DâAtria (82. Gianluca Casutt), Vinzens (62. Bearth), Deplazes (71. Rechenbach), Bastos Rodrigues (71. Manetsch); Caduff, Lars Zala (90. + 5. Vinzens).
Cuera 97 2: Guilherme; Machado, Dos Santos, Cherry (67. Bogdanovic), Bogdanovic (46. Kiflay); Rashiti (57. Mahari), Grazia, Manojlovic, Neuhauss; Rodrigues (77. Soylu), Ranieri (77. Rashiti).
Remarcas: Cartas mellnas: 39. DâAtria (reclamar), 90. + 3. Lars Zala (foul). â 32. siet en la petga Schluein Glion (Sgier). Â â Schluein Glion senza Afzali, Coray, Paulin (blessai/reconvalescents), Bundi, Laurin Zala (serrai), Mattia BĂŒchler, Carigiet, Holderegger, Pool, Walter (absents). â Corners: 5:3.