Cun in bellezia siet da bien vegn meters ha il patrun dalla defensiun da Schluein Glion, Livio Derungs, decidiu il giug encunter Panaduz e procurau per la siatavla victoria da Schluein Glion en la runda dâatun dil campiunadi 2024/25. Quei gol ei denton bunamein staus il sulet ver âhighlightâ en in giug plitost lungurus cun fetg paucas scenas palpitontas avon ils dus gols.
Il davos giug dalla runda dâatun dil campiunadi dalla tiarza ligia ei pilver buca staus ina delicatessa per aspectaturas ed aspectaturs. Las duas equipas â ton ils patruns-casa da Panaduz sco era ils hosps da Schluein Glion – han giu duront lâentira partida plitost breigias da crear bunas acziuns offensivas. Forsa ei quei stau perquei châil giug sin la plazza sportiva Tuleu ei staus il davos giug suenter ina liunga sesiun ed ils giugadurs ein plaunsiu staunchels ed unfis da dar bal. Forsa eis ei denton era stau pervia dallas temperaturas plitost freidas egl uaul endadens Panaduz che han era schau schalar peis aspectauras ed aspecturs.
Bein ha lâequipa da Schluein Glion giu duront igl entir giug dapli la balla els peis e bein ei ella era stada dapli sin viseta en la zona da puniziun da Panaduz, marcau in gol ha ella tuttina buca entochen la 83avla minuta. En quella minuta ha Livio Derungs surpriu la balla sin la lingia amiez ed ei marschaus cun ella encunter gol. Cunquei che negin dils adversaris ha attaccau el seriusamein ha el ughegiau da sittar da bien vegn meters sin gol. E quei siet ei setschentaus direct el cantun ault seniester, senza châil goli dils hospitonts havess giu ina schanza da bloccar el. In bellezia gol che ha purtau a Schluein Glion ina ulteriura victoria e che lai ir la giuvna equipa cun in bien sentiment en la pausa dâunviern.
FC Panaduz – US Schluein Glion 0:1 (0:0)
Tuleu. â 180 aspectaturs. â AR: Koller
Gols: 83. Derungs 0:1
Panaduz: Costa; Cerqueira, Hartmann, Jenal, Knellwolf; Gartmann, Brunies, Florin (60. Lauro Caluori), Lussu (85. Caluori Wachter); Cresecenti (60. De Sousa), Caluori Wachter (70. Ribeiro).
Schluein Glion: Capaul; Walter, Gianluca Casutt, Derungs, Coray (70. Aron BĂŒchler); Bearth (85. Bastos), Laurin Zala, Bundi (70. DâAtria), Ronny Casutt; Lars Zala (70. Manetsch), Caduff.
Remarcas: Cartas mellnas: 42. Cerqueira (foul), 72. DâAtria (foul), 72. Gartmann (foul), 78. Bearth (foul), 81. Manetsch (foul). â Schluein Glion senza Afzali, Mattia BĂŒchler, Deplazes, Paulin (blessai/reconvalescents), Carigiet, Alessandro Casutt, Holderegger, Pool (absents). â Corners: 4:10.