Lâequipa da Schluein Glion ei partida cun ina fetg mediocra prestaziun en la runda da primavera dil campiunadi 2024/25. Ordvart encunter Sargans eis ella vegnida dominada naven dallâentschatta entochen alla fin dils indigens, ils quals ein stai pli allerts, pli agressivs ed era pli cumbattivs e movibels ed han meritau la victoria en quella altezia.
Il plan da giug da Sargans han aspectaturas ed aspectaturs encurschiu naven dallâentschatta: far pressiun sin mintga giugadur da Schluein Glion, mussar presenza corporala ed encurir cun mintga balla ils sperts attaccaders, ils quals han adina encuretg la via directa sil gol. Aschia han els fatg vegnir malsegira la defensiun dils hosps e cun la secunda caschun da marcar eis ei era gartegiau als indigens dad ir en avantatg. Pablo MĂŒller ei mitschaus dalla vart seniastra da siu adversari ed ha surviu la balla a Valentino Zollino che steva tut persuls avon il gol ed ha buca giu breigias da nudar igl 1:0 en lâotgavla minuta. Tgi che ha ussa spitgau che quei gol dedesti ils giugadurs da Schluein Glion ei vegnius trumpaus. Els han vinavon stuschau la balla en la defensiun ed amiez envi ed enneu senza denton saver crear ina suletta buna caschun da marcar duront lâentira emprema mesadad.
Era en la secunda mesadad ha il giug buca vesiu ora bia auter che avon pausa. Sargans ha vinavon dau agressiv cun encurir ils cumbats, Schluein Glion ei vinavon buca vegnius el giug ed ha pér suenter varga 80 minutas sittau in emprem siet sin gol. Quei siet ha il goli denton teniu e lu seclamava il resultat gia 2:0 per Sargans, cunquei che Kevin Willi ha reussiu cun in penalti en la 79avla minuta. Era il davos gol ei curdaus suenter in foul en la zona da puniziun da Schluein Glion entras Sandro Willi.
FC Sargans – US Schluein Glion 3:0 (1:0)
Riet. â 130 aspectaturs. â AR: Koller
Gols: 8. Zollino 1:0, 79. Kevin Willi 2:0 (pen.), 90. + 4. Sandro Willi 3:0 (pen.).
Sargans: Kurath; Ackermann (77. Robin Wachter), Mathis, Becker, Schai; Sivalingam, Zollino (62. Sandro Willi), Kevin Willi (86. Buchli), Roner (72. Santa); Tanner, MĂŒller (Corsin Wachter)
Schluein Glion: Capaul; Coray, Sgier, Derungs, Walter (75. Manetsch); DâAtria, Bundi (Gianluca Casutt), Laurin Zala (73. Nuno Gomes), Ronny Casutt; Rechenbach (57. Lars Zala), Caduff.
Remarcas: Cartas mellnas: 21. Sgier (foul), 31. Tanner (foul); 44. Bundi (foul), 57. Roner (foul), 57. Walter (reclamar), 57. MĂŒller (hirundella), 78. Ronny Casutt (foul), 83. Becker (foul), 84. Santa (foul), 88. DâAtria (reclamar), 88. Manetsch (foul), 89. Sandro Willi (foul). â Schluein Glion senza Afzali, Aron BĂŒchler, Deplazes, Paulin, Pool (blessai/reconvalescents), Holderegger (absents). â Corners: 3:2.