Mo tschun gis suenter il giug da Cup grischun da gliendisgis Pastgas ein las duas equipas da Schluein Glion e Landquart puspei semiseradas a Crap Gries. E puspei han aspectaturas ed aspectaturs viu in giug fetg cumbattiu cun la megliera fin per ils hospitaders. Mo ei havess era saviu dar ina autra fin.
Dalla emprema mesadad dat ei sco rapportader da Schluein Glion da scriver lidinuot. Landquart ha sittau en la novavla minuta in gol entras David Micevski e menava aschia da pausa meritadamein.
Il tĂ© da pausa para da haver fatg bein als giugadurs indigens. Strusch sil plaz ha in dils dus giugadurs châein vegni midai en da pausa numnadamein egalisau. Lars Zala ha saviu stuschar in pass da Lars Caduff ord cuorta distanza sur lingia en. Mo duas minutas pli tard croda denton il secund gol per ils hosps. Quella gada ha Marc Pirovino astgau profitar dad in sbagl dil goli indigen che ha stuiu schar rebatter in siet da distanza. Lâequipa da Schluein Glion ha denton buca schau pender las alas, priu ussa finalmein il giug enta maun e fatg pressiun alla defensiun dils hosps. Quella pressiun ha purtau fretg. En la 57avla minuta ei la balla vegnida recaltgada amiez il plaz e sur la vart dretga eis ella arrivada a Lars Zala che ha sittau ella ferm e bass davon il gol vi. Leu ha Tiziano Vinzens surpriu la balla e marcau cun in siet segir il 2:2. Mo treis minutas pli tard ei il tierz gol per ils indigens curdaus. Cun ina cuglienda ha Lars Caduff schau star dus defensurs e sittau la balla ord quendisch meters cun tutta vehemenza el cantun ault. Suenter il 4:2 da Tiziano Vinzens en la 71avla minuta â el ha sittau ina balla rebattida dil goli da Landquart ord cuorta distanza en la reit â han ils indigens quintau che il giug seigi decidius e puspei schau suenter empau, aschia che lâequipa da Lanquart ei cuort avon la fin aunc vegnida da scursanir il resultat. Nando Oertli ha astgau deviar ina flanca senza vegnir disturbaus ord cuorta distanza cul tgau en gol. Per dapli ha ei denton buca tunschiu als hosps che han cumbattiu naven dallâemprema entochen la davosa minuta vehement per recaltgar silmeins in punct. Pauc havess muncau e quei fuss era gartegiau, cunzun perquei che ils indigens han mussau ina plitotst magra prestaziun. Mo treis puncts ein treis puncts!
US Schluein Glion â FC Landquart 4:3 (0:1)
Crap Gries. â 165 aspectaturs. â AR: Muzzafer
Gols: 9. Micevski 0:1, 47. Lars Zala 1:1, 49. Pirovino 1:2, 57. Vinzens 2:2, 60. Caduff 3:2, 71. Vinzens 4:2, 90. Oertli 4:3.
Schluein Glion: Mattia BĂŒchler; Holderegger, Derungs, Aron BĂŒchler (46. DâAtria), Coray; Walter, Ronny Casutt, Vinzens (73. Nuno Gomes), Manetsch (46. Lars Zala); Bundi, Caduff.
Landquart: Niggli; Hertner (69. Cutuk), Huber, Oertli, Fonseca Pereira (80. Taxer); Candrian, Bless, Oswald, Hashani; Pirovino, Micevski.
Remarcas: Cartas mellnas: 22. Aron BĂŒchler (foul), 57. Manetsch, Lekishvili/trenader (reclamar), 60. Caduff (giubilar), 76. Gomes (foul), 90. DâAtria (foul). â Schluein Glion senza Bearth, Gianluca Casutt, Deplazes, Paulin, Pool, Laurin Zala (blessai/reconvalescents), Afzali, Capaul, Sgier (absents). â 1. culp cul tgau en la traversa Landquart (Bless), 64. siet en la traversa Landquart (Oswald). â Corners: 5:5.