Dus penaltis ed in gol suenter in siet da cantun han purtau a Schluein Glion l’emprema terrada el campiunadi 2026/27. E puspei ein las empremas minutas dil giug e suenter pausa buca gartegiadas all’equipa sursilvana.  

Gia avon che igl arbiter ha dau liber il giug la mesjamna sera a Crap Gries ha l’equipa da Schluein Glion stuiu magunar ina ferma frida. Els davos muments dil cuorer en ei lur caposettagols Lars Caduff surpassaus ed ha stuiu dar forfait. Quei fatg declara forsa la plitost malgartegiada partenza el giug. Gia en la tiarza minuta ha Josa Capeder numnadamein attaccau empau memia resolut siu adversari en la zona da puniziun e mess el a tiara. Yavuz Bal ha nezegiau la caschun e sittau l’equipa da Montlingen naven dil punct d’endisch meters en avantatg, era sche il goli da Schluein Glion, David Hornacek, ei aunc staus cun la detta vid la balla. Encunter la ferma equipa dalla vallada dil Rein songagliesa, la quala ha terminau il campiunadi 2025/26 el secund rang ed ei ussa partida cun quater victorias el niev campiunadi, ei quei naturalmein buca stau ina buna entschatta. L’equipa da casa ei denton serevegnida bein ed ha mussau avon ina biala roschada d’aspectaturas ed aspectaturs cun mintga minuta che vargava in meglier ballapei. Aschia eis ei gartegiau suenter in quart ura d’ulivar il giug e quei cun ina bellezia acziun sur la vart seniastra. Plirs giugadurs han purtau la balla cun tempo anavon ed alla fin ha Lars Zala surviu ella a Sattar Afzali che ha cuglienau il goli e sittau igl 1:1. Il giug ei silsuenter staus entochen la pausa fetg ulivs senza pli grondas caschuns da marcar per omisduas varts.

La partenza en la secunda mesadad ei puspei malgartegiada a Schluein Glion. L’ura da giug haveva aunc strusch entschiet a cuorer che Montlingen ha astgau sittar in siet da cantun. La defensiun indigena ei buca vegnida da liberar la balla, aschia che Florian Haltiner ha saviu sittar da cuorta distanza sin gol. Quei siet ha David Hornacek aunc saviu bloccar, encunter il secund siet da Fabio Wörnhard ha el denton era saviu far nuot. Era la secunda mesadad ha pia entschiet cun in frida per ils indigens. Ed igl ei in quart ura pli tard aunc vegniu mender. En la 63avla minuta ha igl arbiter schulau in secund penalti encunter Schluein Glion ed era quel havess buca exnum stuiu capitar. Quella gada ha Gianluca Coray schau star il pei e terrau siu adversari. Nurkan Ibraimi ha nezegiau la caschun e sittau il tierz gol per ils hosps cun in siet franc e segir el cantun bass. Quei gol ha bloccau empau il giug. L’equipa da Schluein Glion ei buca vegnida da crear bunas e decisivas attaccas e l’equipa da Montlingen ha buca propi vuliu far quei. Ella ei secuntentada cun controllar il giug e segirar la victoria. Quei ch’ei lu era gartegiau. Forsa havess in secund gol dils indigens aunc purtau inagada empau peiver el giug, mo quei gol ei buca gartegiaus.

 

Schluein Glion: zwei Penaltys sind zu viel

Zwei Penaltys und ein Tor nach einem Eckball haben Schluein Glion die erste Niederlage in der Meisterschaft 2026/27 beschert. Und wieder sind die ersten Minuten des Spiels und nach der Pause nicht gelungen für die Mannschaft aus der Surselva.

Schon bevor der Schiedsrichter das Spiel am Mittwochabend in Crap Gries freigegeben hatte, musste die Mannschaft von Schluein Glion einen schweren Schlag einstecken. In den letzten Momenten des Einlaufens blieb Goalgetter Lars Caduff mit dem Fuss im Rasen hängen, übertrat und musste Forfait geben. Diese Tatsache erklärt vielleicht den eher misslungenen Start ins Spiel. Bereits in der dritten Minute griff Josa Capeder seinen Gegner im Strafraum etwas zu entschlossen an und setzte ihn zu Boden. Yavuz Bal nutzte die Gelegenheit und schoss die Mannschaft von Montlingen vom Elfmeterpunkt in Führung, auch wenn der Torhüter, David Hornacek, noch mit dem Finger am Ball war. Gegen die starke Mannschaft aus dem St. Galler Rheintal, welche die Meisterschaft 2025/26 auf dem zweiten Rang beendete und nun mit vier Siegen in die neue Meisterschaft gestartet ist, war das natürlich kein guter Start. Die Heimmannschaft hat sich jedoch gut erholt und vor einer schönen Rochade von Zuschauerinnen und Zuschauern mit jeder vergangenen Minute einen besseren Fussball gezeigt. So gelang es nach einer Viertelstunde, das Spiel auszugleichen, und zwar mit einer schönen Aktion über die linke Seite. Mehrere Spieler brachten den Ball mit Tempo nach vorne und am Ende servierte Lars Zala ihn an Sattar Afzali, der den Torhüter umspielte und das 1:1 erzielte. Das Spiel war danach bis zur Pause sehr ausgeglichen, ohne grössere Torchancen für beide Seiten.

Der Start in die zweite Halbzeit ist Schluein Glion wieder misslungen. Die Spieluhr hatte noch kaum angefangen zu laufen, als Montlingen einen Eckschuss schiessen durfte. Die einheimische Abwehr konnte den Ball nicht befreien, so dass Florian Haltiner aus kurzer Distanz aufs Tor schiessen konnte. Diesen Schuss konnte David Hornacek noch blockieren, gegen den zweiten Schuss von Fabio Wörnhard konnte er aber auch nichts tun. Auch die zweite Halbzeit begann also mit einem Schlag für die Einheimischen. Und es wurde eine Viertelstunde später noch schlimmer. In der 63. Minute pfiff der Schiedsrichter einen zweiten Elfmeter gegen Schluein Glion, und auch dieser hätte nicht unbedingt passieren müssen. Diesmal liess Gianluca Coray den Fuss stehen und brachte seinen Gegner zu Boden. Nurkan Ibraimi nutzte die Gelegenheit und schoss das dritte Tor für die Gäste mit einem platzierten Schuss in die untere Ecke. Dieses Tor hat das Spiel etwas blockiert. Die Mannschaft von Schluein Glion konnte keine guten und entscheidenden Angriffe mehr schaffen, und die Mannschaft von Montlingen wollte das nicht wirklich tun. Sie begnügte sich damit, das Spiel zu kontrollieren und den Sieg zu sichern. Was dann auch gelungen ist. Vielleicht hätte ein zweites Tor der Einheimischen noch einmal etwas Pfeffer ins Spiel gebracht, aber dieses Tor ist nicht gelungen.

US Schluein Glion – Montlingen 1:3 (1:1)

Crap Gries. – 270 aspectaturs/-as. – AR: Rechsteiner

Gols: 4. Bal 0:1 p., 15. Afzali 1:1, 48. Wörnhard 1:2, 63. Ibraimi 1:3 p..

Schluein Glion 1: Hornacek; Capeder (80. Aron Büchler), Coray (80. Cavegn), Cabernard, Walter; Tristano (58. Rechenbach), Arpagaus, Ronny Casutt, Afzali; Deplazes (67. Remy Manetsch), Lars Zala (70. Joos) .

Montlingen 1: Wittwer; Sarac (46. Lüchinger), Wörnhard, Frei, Haltiner (86. Puljic); Aliji, Bal, Stojkaj (46. Flurin Zoller), Ibrahimi; Curdin Zoller (Petrovic), Baumgartner (Büchel).

Remarcas: Cartas mellnas: 29. Arpagaus (foul), 34. Sarac (foul), 51. Coray (foul), 69. Manetsch e Rechenbach (malsportadad). – Schluein Glion senza Mattia Büchler, Gianluca Casutt, Rafael Manetsch, Laurin Zala (blessai, reconvalescents), Paulin (recruta). – Corners: 4:5.