Dus sbagls individiuals han schau sittar l’equipa da Bogn Ragaz dus gols ed aschia decider il giug encunter Schluein Glion. Ed era sch’ils dus gols ein curdai suenter schenghetgs ha il capogruppa gudignau meritadamein il giug. Cunzun en l’emprema mesadad ha Schluein Glion mo giu da sedefender, e tuttina fuss ei alla fin aunc bunamein gartegiau da recaltgar in punct.

L’equipa da Bogn Ragaz ha naven dall’entschatta mussau ch’ella ei buca per nuot alla testa dalla tabella. Ella ha fatg permanentamein pressiun e serrau Schluein Glion en sia atgna mesadad. Ord la dominanza ein denton mo seresultau ina roscha siets da cantun che han buca purtau fretg. Per ir en avantatg ha ei perquei duvrau in sbagl d’in defensur da Schluein Glion. Sut pressiun ha el dau in pass directamein ad in attaccader digl adversari che ha saviu survir Gian Luca Mühlebach, che ha ord bien sedisch meters sittau cun in siet precis el cantun bass dretg igl emprem giug. Quei gol ha buca midau bia vid igl andament dil giug; Bogn Ragaz ha vinavon attaccau e fatg pressiun, Schluein Glion ha vinavon empruau da seriscuder aschi bein sco pusseivel. Quei ei gartegiau gnanc aschi mal, aschia che las duas equipas ein idas mo cun in gol differenza en la pausa.

La secunda mesadad ha entschiet cun il secund schenghetg da Schluein Glion. Ina balla liunga da Bogn Ragaz ha in defensur enstagl sittar naven vuliu schar surprender siu goli. Igl attaccader Nick In t Zand, ch’era per da pausa vegnius midaus en, ha sentiu quei, ha fatg pressiun e provocau ina balla rebattida. Quella balla ha el saviu surprender e sittar en tutta ruasseivladad en la reit. Suenter quei secund gol ha l’equipa da casa buca fatg pli tonta pressiun, aschia ch‘il giug ei s’ulivaus. Schluein Glion ha denton vinavon giu breigia da baghegiar si il giug e da crear occassiuns da sittar in gol. Cuort avon la fin ei quei lu tuttina aunc semidau. Aron Büchler ha sittau in culp liber naven dalla vart seniastra ault en la zona da puniziun da Bogn Ragaz, la defensiun ei buca vegnida da liberar la balla, la quala ei curdada a Ronny Casutt avon il peis. Cun in siet precis el cantun bass – notabene il sulet siet da Schluein Glion ch’ei sentschentaus sil gol duront igl entir giug – ha el scursaniu il resultat. El ha dau speronza a ses congiugadurs e la roscha aspectaturas ed aspectaturs che ha accumpignau l’equipa era la sonda vargada, da forza aunc tuttina saver recaltgar in punct. Tuts il sforzs en las davosas minutas han denton gidau nuot, igl ei restau tier la victoria dils patruns casa.

Schluein Glion verliert gegen den Tabellenführer

Zwei individuelle Fehler liessen die Mannschaft von Bad Ragaz zwei Tore schiessen und so das Spiel gegen Schluein Glion entscheiden. Und auch wenn die beiden Tore nach Geschenken fielen, hat der Tabellenführer das Spiel verdient gewonnen. Besonders in der ersten Halbzeit sah sich Schluein Glion nur mit Verteidigungsarbeiten beschäftigt, und trotzdem wäre es am Ende noch beinahe gelungen, einen Punkt zu holen.

Die Mannschaft von Bad Ragaz hat von Anfang an gezeigt, dass sie nicht umsonst an der Tabellenspitze steht. Sie hat permanent Druck gemacht und Schluein Glion in die eigene PLatzhälfte zurückgedrängt. Aus der Dominanz ergaben sich jedoch nur eine Reihe von Eckstössen, die keine Früchte trugen. Um in Führung zu gehen, brauchte es deshalb einen Fehler eines Verteidigers von Schluein Glion. Unter Druck gab dieser einen direkten Pass an einen gegnerischen Angreifer, der Gian Luca Mühlebach dienen konnte, der aus gut sechzehn Metern mit einem präzisen Schuss in die untere rechte Ecke die Führung erzielte. Dieses Tor hat nicht viel am Ablauf des Spiels verändert; Bad Ragaz hat weiterhin angegriffen und Druck gemacht, Schluein Glion hat weiterhin versucht, sich so gut wie möglich zu verteidigen. Das ist gar nicht so schlecht gelungen, so dass die beiden Teams mit nur einem Tor Unterschied in die Pause gingen.

Die zweite Halbzeit begann mit dem zweiten Geschenk von Schluein Glion. Einen langen Ball von Bad Ragaz wollte ein Verteidiger, anstatt wegzuschiessen, seinen Torhüter übernehmen lassen. Der Angreifer Nick In t Zand, der zur Pause eingewechselt worden war, spürte das, übte Druck aus und provozierte einen Prellball. Diesen Ball konnte er übernehmen und in aller Ruhe ins Netz schiessen. Nach diesem zweiten Tor machte die Heimmannschaft nicht mehr so viel Druck, sodass sich das Spiel ausgeglichener gestaltete. Schluein Glion hatte jedoch weiterhin Mühe, das Spiel aufzubauen und Torchancen zu kreieren. Kurz vor dem Ende des Spiels änderte sich das dann doch noch. Aron Büchler schoss einen Freistoss von der linken Seite hoch in den Strafraum von Bad Ragaz, die Abwehr konnte den Ball nicht befreien, sodass er vor die Füsse von Ronny Casutt landete. Mit einem präzisen Schuss in die untere Ecke – namentlich dem einzigen Schuss von Schluein Glion, der während des gesamten Spiels auf das Tor kam – verkürzte er das Ergebnis. Er gab seinen Mitspielern und der Schar der Fans, die das Team auch am vergangenen Samstag begleitet hat, Hoffnung, vielleicht doch noch einen Punkt holen zu können. Alle Anstrengungen in den letzten Minuten haben jedoch nichts genützt, es blieb beim Sieg der Hausherren.

FC Bogn Ragaz – US Schluein Glion 2:1 (1:0)

Ri Au. – 190 aspectaturs/-as. – AR: Duttler

Gols: Gian Luca Mühlebach 1:0, 46. In t Zand 2:0, 83. Ronny Casutt 2:1.

B. Ragaz 1: Zappala; Kühne, Starcevic (46. Rodrigues), Horni, Kressig; Da Silva (85. Bonderer), Marco Mühlebach, Mbuni (68. Bersorger), Gian Luca Mühlebach (61. Thöny); Sprecher (46. In t Zand), Caluori.

Schluein Glion 1: Hornacek; Laurin Zala (56. Aron Büchler), Coray, Ronny Casutt, Walter; Arpagaus, Tristano (68. Paulin), Deplazes; Rechenbach (56. Cavegn), Caduff (81. Remy Manetsch), Lars Zala.

Remarcas: Cartas mellnas: 22. Caduff (foul), 26. Starcevic (foul), 44. Rechenbach (foul), 56. Kressig (foul). – Schluein Glion senza Afzali, Mattia Büchler, Gianluca Casutt, Rafael Manetsch (blessai, reconvalescents). – Corners: 9:1.